Анекдоти (Сторінка 18)

І де є справедливість? Єден раз роздівім Наташку, а типирь всю жизнь маю ї одівати!

– Куме, шо у вас із лицьом? – На нього оса сіла! – І шо, то она вас так покусала? – Нєт, ото моя Анця її лопатов прибила…

Теща зятьови: – Сашу, поздоровляву тя з днем строітєля! – А я туй до чого? – Бо ти фурт із себе строїш хрен знає кого!

Иде турист по селови, увідів бабку і звідать її: – Бабко, а де туй у селі мож палинку купити? – Видиш оту церкву на горбови? – Вижу. – Но, та кроме ниї, купиш палинку у любуй хижі.

– Володьку, а ти кого май більш слухаш, нянька ци мамку? – Мамку. – А чому? – Бо она май булше говорить.

Є популярний коктейль «Кривава Мері». А є закарпатський коктейль – «Лінива Маря». Упий погар палинки і закуси парадичков.

– Вітьку, де ти ся, сине, познакомив із таков дівков? – У центрі, пуд фонарьом, мамко. – А вповіш мы, дітино, фонарь товди не робив?

Два цімбори у генделику: – Дюрі, шось такий зажурений? – Знаєш, Штефане, так обідно. Усі даішники звідавуть, чи я пив. І хоч би єден зазвідав, чи я їв…

Жона годна заботи, куда поклала помаду, ключі вадь телефон. Но вто, што юй уповів газда три роки тому, она нигда не забуде!

– Слухай, Анцьо, чом тот молодий маляр уже два тижні топчеся на Марькінуй кухні та нияк не докрасить юй стіну, а у мене за динь законьчив? – Нно, а што бысь хотіла, твоюй кухні уже 55 роки, а Марькінуй лем 30 буде!