Анекдоти (Сторінка 8)

– Марько, а што вто значить «бути в тренді»? – Йсе значить, ож за тебе триндит усе село!

Коли моя дитина кричала по ночах, я співала юй колискову. Аж поки сусіди не уповіли: «Краще най кричить...»

Імив отиць дітвака, як той курить. – Сине, тобі ще поскоро курити, ти ще лем у шестий клас ходиш! – Айбо вы, няню, тоже почали курити у шестому класі. – Айбо мені товди вже боло аж 16 року!

Є така байка. Уповів єден король американцю, французу і закарпатцю, ож кулько они на коні проскачут полем – вся тота земля їхня. Но, скаче американець годину, дві, позерать назад: «Ех, та сього ж і мені, і моїм дітьом, внукам на все життя доста!» ...

Усі ми кажуть: «Розставайся з грошима легко й спокуйно». А я, до фраса, ще ся з нима і не зустрів!

Нись зайшовим на кухню, оби зварити кавіль, а замість того, упив 50 грам палинки. Про яку довіру в наш час годна боти мова, кідь я даже сам собі довіритись не годен???

Коли раном Фері прочитав у гороскопі: «Стережіться, нись дако захоче заволодіти вашими грошима», то нараз побзерав на свою жону Поланю.

– Куме, я ся лишив куріння. – Ба нашто? – Та як нашто, йсе така економія за місяць! Я щи й пиятики ся лишу. – Но і для чого вам тулько грошей???

Кажда наша вада з жонов, незавісімо уд теми, фурт ся зводить до того, ож она рожала наших дітий, а я нєт!

– Мамко, купите ми удицю? – Канєшно! І удицю, і лодку, і цімборів-алкашів, неборе, ти куплю… оби вшитко боло ти, ги у вітця!