Анекдоти (Сторінка 7)

Зазвідала’м свою бабку: – Пусля 56 року в’єнно вы, бабко, усе щи кажете дідикови: рідний, дорогий, любимий. У чому секрет? – Я забула, як му ім’я щи п’ять року тому, і боюся зазвідати…

Звонить дівка мамці й жалуєся на ґазду: – Мамко, сесь неблагодарний ізясь не хоче їсти гречку! – Маринко, ти му розкажи, як ти ся старала, коли ю варила! – Варила?! Її щи варити мусай боло?!

Чоловік жоні: – Я тя прошу, закрый рот хоть на минуту, бо не розуміву, завелася машина вадь ньит!

Теща ся вадить із зятьом: – Воліла моя донька за чорта ся уддати, чим за тебе! – Успокойтеся мамко, ото невозможно, бо шлюби між родичами заборонені.

Усі жони отдаються за файних чоловіку, а коли ся розводять, то із скотинов. У мене питання: пак шо ви там робите зі своїм чоловіком?

У школі пусля дистанційного навчання вчитель історії звідать дітваку: – Як ся звав давньогрецький бог чистоти? – Доместос!

Людоньки, не пилуйтеся колотися за 1000 грн. Бо кажуть, ош потом будуть і машину щи давати, і квартиру…

– Боря, ідеме завтра на рибалку? – Нєт! – А чого? – Бо мені моя Лєнка дома напитися розрішила.

– Хворий, як вам оті свічки, шо я вам уписав? – Дубрі, лем уд них ня дуже ізжога пече! – А ви їх шо, їсте?! – А за такі гроші я їх што, у гузицю маву дівати?

У Німеччині пройшов фестиваль пива «Октовбер Фест». Бульше всіх пива упив житель Мукачева Тибі-бачі, позеравший фестиваль по телевізору.