Анекдоти (Сторінка 59)

Жона ігриво каже чоловіку: – Іване, я тя хочу! – Маріко, айбо у тебе кіфлики у духовці. – Йой, я тя прошу, за мінуту нич їм ся не стане!

Баба зрозуміла, ож компот забродив, коли дідо пудуйшов і повів юй: - Красунько, ци маєш фраєра?

Наталка била настулько студена жона, што комар, котрий ссав із ниї кров, ухопив ангіну...

Зять тьощі: - Мамо, сходіть за цигарками. Даю тисячу, здача ваша! Тьоща скоро побігла. Пак зять ізясь кличе: - Мамо, зганяйте за пивом – дві тисячі даю, здача – ваша! Тьоща ги ракета – у магазин. Туй звонок уд жони: - Коханий, ти мамці пензію отд...

П’яна Танька спочатку нажала на єнну педаль, пак на другу, а пак на дві нараз. Айбо піаніно так і не поїхало!

– Мамко, а у нашого няня є корова? – Та де! А з чого ти взяв? – Бо вун перше казав тьоті Наді, ош у ниї май файна фігура, ги в його корови.

– Куме, за што ти свою тьощу майсильно любиш, чим жону? – Бо тьоща, куме, із самого начала була проти нашої свальби.

Чоловік жоні: – Любима, мушу ся ти признати, ож коли я з тобов сплю, то фурт думаву за других жун… – Но ти, свиньо! Я, міжду прочим, коли сплю з другими мужиками, фурт лем за тебе думаву!

Чоловік із жонов ідуть по вулиці, якийсь незнайомий зняв шапку і красно ся поклонив. Чоловік каже жоні: - Який воспитаний молодий чоловік, ци правда? - Ага, воспитаний, а хропить, ги ведмідь!

– Я люблю вашу дочку і хочу ся на нів жинити. – Кілько заробляш? – 530 євро. – Тадь ми лем їв по 500 євро даєме каждий місяць на карманні росходи. – Я знаву. Я вже їх пощитав із свойов зарплатов.